2.16.2009

gulong ng buhay, kalokohan

hindi gulong ang buhay at hindi ito pinatatakbo ng tsuper. oo, matagal na kasabihan na 'to pero totoo ba? tradition. culture. ito ang nakaugalian ng mga tao, ng mga pinoy.

tradition. ang matagal na kinagisnan ng tao. simula pa noon, ito na ang mga ginagawa at pinaniniwalaan ng mga ninuno natin. ngunit dahil din sa kadahilanang ito, maitatanong natin sa ating mga sarili, totoo ba ang kanilang kinagisnan? tama nga ba ang kanilang paniniwala?

culture. ito ang sariling paniniwala ng tao. kaakibat nito ang religion. bawat tao, may sariling culture (tulad ng religion). ito ay paniniwala, paniniwala ukol sa isang bagay o usapin.

culture. tradition. beliefs. hindi ko na alam ang pagkakaiba nila dahil sa palipat-lipat na paniniwala ng bagong science. technology. sasabihin ni doctor x na ito ang katotohanan. ilang taon o henerasyon, susulpot si doktor y at sasabihin kalokohan ang sinasabi ni doktor x.

thesis. anti-thesis. synthesis na magiging thesis. kung ganoon, sino ang tama? masasabi nga ba talagang parang gulong ang buhay na iikot at iikot at patuloy na iikot na lamang hanggang sa dumating ang panahon na mapapagod? sa gulong na ito, ikaw ba ang tsuper o ikaw ay parang hamster na pinaiikot lamang ng isang being na may hawak ng gulong (tatakbo at tatakbo dahil ito ang gusto ng mataas na being)?

ang mahirap kasi sa buhay, sa dami ng magagaling at nagmamagaling at nagpipilit maging magaling, hindi mo na alam ang susundin mo. hindi mo na alam kung alin ang totoo at tama. mali namang sabihin na nararamdaman ang tama dahil sa conscience. bakit? ang tao ay binigyan ng buhay at sariling isip upang umintindi ng bagay-bagay, kung ang nakuha ng utak natin ang isang data, ito ay ating ililipat at iintindihin. maipapasok sa ating utak, kung minsan ay gagawa ng sariling conclusion, kung minsan ay hahayaan na lang na baguhin ang ating sariling paniniwala. bibilugin at tulad ng sabi ng iba, hahasain ang ating mga utak. pero sa huli, iisa lang naman talaga ang kahihinatnan ng lahat, mauubos ang lahat ay 'pag natapos ang lahat, matatagpuan mo ang iyong sarili sa lugar kung saan ka umalis, bumalik, at umiyak.