one: bakit ‘pag tinatanong ka, ang sagot mo lagi wala kahit meron naman talaga?
two: ‘di ko alam, nasanay lang siguro. simula bata kasi ganoon na ko.
one: ngayon kaya, galit ka ba?
two: hindi.
one: o! ba’t hindi ang sagot mo?!
two: hindi naman kasi ako galit.
one: ibig ba nitong sabihin, ‘pag hindi ka galit ay hindi ang sagot?
two: hindi. minsan, puwedeng bakit ang sagot, puwedeng hindi naman, o kaya nama’y okay lang.
one: paano ko malalaman kung galit ka nga?
two: hindi mo ba nararamdaman?
one: nararamdaman.
two: ayon naman pala, ano pang pinoproblema mo?
one: paano ko malalaman ang dahilan ng pagkagalit?
two: tanungin mo!
one: bakit ka galit?
two: ‘di naman a.
one: sumigaw ka e.
two: hindi naman kasi ako galit.
one: ibig ba nitong sabihin, ‘pag sumigaw ka hindi ka galit?
two: ano ba’ng problema mo!?
one: e, kung sinasagot mo na lang kasi lahat ng tanong ko, e ‘di sana tapos na ‘tong usapan kanina pa.
two: may mga bagay kasing mahirap sabihin. minsan, kailangan may bayag ka para umamin.
one: bakit wala ka bang bayag?
two: yan na nga bang sinasabi ko. hindi kasi bayag ang pinaguusapan dito. tao kaya.
Posts
0 comments:
Post a Comment