2.02.2008

palit-puri sa pinas

isang mali, itatama mo sa pamamagitan ng paggawa ng isa pang pagkakamali hanggang umabot ka sa puntong hindi mo na alam kung saan at sino ang pupulot sa’yo.

sex in exchange for drugs, o palit-puri. susubukan maging isa sa mga hip. kakain sila, kakain ka. iinom sila, iinom ka rin. yosi break, makikihithit ka hanggang ikaw na ang humihingi ng barya pangyosi. gagamit sila, gagamitin mo ang ipon mo pambili at upang makagamit din. uubusin ang lahat maging ang laman ng alkansya mo, mapipilitan kang umutang hanggang umabot sa puntong wala na ang mga hip mong kaibigan. mag-isa ka na lang, ngunit hindi ka na rin mababahala. may bago ka ng amo, si marie.

marie, marie, aking marie. marie, marie, aking marie.

hindi maglalaon, magsasawa ka rin kay marie at maghahanap ng bago. at tulad ng iba, kay shasha ka babagsak. sha... sha... sha... sha...bu... bug na sha... sha...bu... bug na ko.

mauubos ang pera mo. “kailangan mo kaming pagsilbihan” sabi sa’yo. susundin mo.

hindi ka na halos umuuwi. sex slave ka na kung tingnan ng mga kapitbahay ng pusher na gumagamit sa’yo, kahit pa “visitor” ang tawag mo sa sarili mo. diyan ka na natutulog, kumakain, gumagamit, at... at iba pa. asenso ka na. “resident” ka na.

“sa upper taguig! sa upper taguig!” sigaw ng mga namamahala., ng mga nabisto.

pusher to pusher. from drug den to sex den.

the ugly side of drug trade: sex for shabu. pangit na nga, binababoy pa.