2.10.2008

ang nais kong kwento: walang kontra-bida

ilan ang kaaway mo noong bata ka pa? ilan ang hindi mo bati? ilan ang naiinis sa'yo?

hindi ko na matandaan. at, higit na hindi ko malalaman ang sagot sa huling tanong. ilan nga ba?

bata pa ko'y sanay na kong manakit. kaaway, kaibigan, kabarkada, kapatid, at maging mga guro, hindi ko pinapalampas. lahat inaasar ko. lahat ginagago. wala pinalalampas. noon pa'y may sarili na kong prinsipyo sa buhay, bagaman baluktot, prinsipyo ko pa rin itong matatawag.

nakapagtataka lang na habang tayo'y tumatanda, tila natututong mag-math ang ating buhay. noo'y addition lang ang alam, ngunit ngayo'y multiply na--multiplication ng mga kaaway, at malamang, mga naiinis sa inyong bida ngayon. (bida ako ngayon, maaaring ikaw rin, subukan mong mgpatuloy magbasa) multiplication na rin ng mga kaibigan. sa pagtanda nga naman ng tao, lalong nagiging komplikado. maraming twists, maraming turns, minsa'y mabilis, minsa'y mabagal, iikot, babaluktot, ngunit kailangan mong bumalik sa tamang daan. (narito ko)

mas masarap talaga kapag bata pa. pagkain lang ang problema, at isang iyak lang ay nariyan na ang suso sa bibig--may pagkain na siya.

sa pagtanda ng tao, dumarami ang kontra-bida. maraming magsusuot ng pulang kapa at magpapanggap bilang isang maliit na red riding hood, maraming magpapanggap at sasaksak sa inyong mga likod. aarte at gagalaw at magsasalitang tila isang tunay na kaibigan.

maging ma-ingat. maging mapagmasid. alamin kung sino ang totoo. tunay.

hindi bida ang mga kontra-bida sa kwento ko.

hindi rin sila karapat-dapat maging mga kontra-bida. bakit? ang mga kontra-bida ay mahahalaga pa rin sa mga kwento, at hindi sila naaayon dito.

sa kwento ko, sa kwento ng buhay ko, ako ang masusunod. ako ang mamimili ng kontra-bida, ako ang pipili kung paano gagalaw at uusad ang kwento at kung paano matatapos. hawak ko ang bawat twist and turns. hawak ko.

nais ko, ang kontra-bida ko ay bida rin sa aking kwento, magiging kontra-bida ngunit hindi matatapos ng ganoon. hindi maaaring maging kontra-bida ang mga nilalang na walang puwang sa puso ko.