11.11.2007

may sumpa ka, tandaan mo

madalas, sa buhay natin, kapag dumating ang suwerte, sunud-sunod. at madalas din, kapag dumating ang sunud-sunod na swerte, nakakalimot.

********
nanalo ko sa lotto noong nakaraan, nakabunot ng premyo noong nakaraang linggo sa supermarket, nakapulot ng bolpen noong isang araw, at hindi nahuli ng gard kanina nang nakalimutan ko ang aking id.

"pre, sineswete ata ako nitong mga nakaraang buwan."
"bakit? paano mo nasabi?"
"hindi ba nanalo ako ng lotto, tapos, nakabunot ako ng komponet sa supermarket noong isang linggo. ngayon, hindi ako nahuli ng gard na walang id. ang dami pa e. sineswerte ko!"

********

ang hindi lumingon sa pinanggalingan, hindi makararating sa paroroonan.

********
sasali ako sa maraming patimpalak. mananalo ako sigurado. sineswerte ako ngayon, nararamdaman ko!

********

"pre, sasali ako sa singing contest sa sabado."
"marunong ka bang kumanta?"
"medyo...."
"sa tingin mo mananalo ka sa boses mong yan?"
"oo" napatigil siya. agad kong sinundan "sineswerte ko e."

********

ayos! ika-13 ako. lucky thirteen to! maya-maya lang, akin na ang trophy na yan.

********

"ayos lang yan, tol."
"...natalo ko." habang pabagsak ang namumuong luha sa aking mga mata. natalo ko. akala ko ba sineswerte ko! bakit? paano kong natalo?
"nasa tono ka naman kanina e."
pero natalo ko! talo pa rin iyon!
"pero natalo ko!" tuluyan nang gumulong ang mga luha sa magkabi kong mga pingi.

napatigil siya sa pagtahan sa akin. tumayo siya. hindi ko siya sinundan ng tingin.

"pre! may sumpa ka, tandaan mo! kung sinwerte ka noong ilang mga araw, huwag mong abusuhin. huwag mong kakalimutan na may sumpa ka! wala kang karapatang humingi ng anu man. wala kang karapatan!"

tiyaka ko siya tingnan paitaas. maliwanag, ngunit pilit ko siyang tiningnan.

"akala ko wala na ang sumpa. akala ko ayos na ang lahat."

patuloy ang luha sa pagdaloy. umupo siyang muli sa aking harapan.

"hindi na mawawala ang sumpang iyon. ikaw ang may kasalanan. ikaw ang dahilan kung bakit nariyan iyan. panindigan mo. pre, huwag kang makalilimot, may sumpa ka."
"...pero..."
"hindi na mawawala yan. sumpa mo na yan. pagbibintangan ka. lalayuan ka. isusumbat sa iyo ang mga ito. paulit-ulit. masasanay ka rin."

wala na kong nasabi. may sumpa ko. may sumpa ko. paulit-ulit, hanggang sa tuluyang makatulog.

nanuyo ang mga luha.