9.20.2007

pipili ka ba sa dalawa?

napahinto siya sa kanto. ang kanyang dinaraanang kalye ay naghati sa dalawa. masukal at kung titingnan, magulo ang daraanan sa kaliwa. kabaligtaran naman ang sa kanan. hindi ito ganoon kalinis ngunit higit itong malinis kung ikukumpara sa kalyeng naunang nabanggit. pamilyar din ang kalyeng ito dahil ito ang nakasanayan na daanan simula nang magkaisip. ngunit ngayon, sa araw na ito na walang espesyal na kung ano, walang may kaarawan at hindi mahangin, walang dahilan para mag-isip at magpaka-emosyonal, napahinto siya sa gitna ng dalawang kalyeng ito. nalilito na siya. hindi niya malaman ang pipiliin, o kailangan ba siyang pumili? may iba pang daan na maaaring maghatid sa kanya sa lugar na nais pumunta ngunit magiging malayo at tiyak na mahirap ang paglalakbay na iyon. magiging mapanganib din at alam ayaw niyang isugal ang kung anong mayroon siya kung sa kabilang daan siya daraan. ito dalawang daan lamang ang tanging daan na alam niyang tama ngunit hindi niya alam ang pipiliin. nalilito, naisip niya, “kung iisa lang sana ‘tong kalyeng ‘to, hindi na sana ako nahihirapan.”

umupo siya sa mismong kantong kanyang kinatatayuan, ayaw niyang mamili. ito ang tama.