8.02.2007

yin at yang. tama at mali, lalaki at babae.

sabi sa akin, ang yin-yang daw ay simbolo ng pagkabalanse. yin, para sa itim at yang naman para sa puti. alam niyo ba ang tinutukoy ko?

puti at itim, white and black, mabuti at masama, positive and negative, lalaki at babae. ano raw? ang puti ay simbolo ng lalaki, itim naman para sa babae? aba! bakit naman nagka-ganoon?

oo, balanse nga ang pinag-uusapan dito. balanse ang puti at itim, mabuti at ang masama, lalaki at ang babae pero bakit ganoon? bakit puti ang sumisimbolo ng lalaki at itim sa babae? ibig sabihin nito ay mabuti at positive ang lalaki? madumi, masama, negative ang mga babae?

paano naman naging balanse iyon? parang sinabi na rin natin na hindi balanse ang lalaki at babae. hindi sila pantay, pero nasa bilog sila ng yin-yang, tama ba? aba! may kakaiba hindi ba?

teka nga muna, ba't nga ba itim ang sumisimbolo ng kasamaan? ba't naman puti ang sumisimbolo ng kabutihan? sa punto pa lang dito, mapapansin natin na may hindi na balanse. hindi patas ang pagbibigay ng kulay. tapos, dahil nasabi na na pang-masasama ang itim, lahat ng mapupunta sa itim ay masama na rin. tulad nga ng "babae" sa yin-yang.

may papasok nanaman na pilosopo na magsasabing "teka nga! naalala ko, sabi sa amin ng guro namin, wala raw tama at mali. magka-iba lang sila. advantageous and disadvantageous."

paano na ngayon yan? ngayon, wala nang tama at mali. wala nang itim at puti. sa makatuwid, hindi na tamang sabihin na mabuti ang mabuti, masama ang masama. sa ngayon, ang masama ay puwede nang tawaging mabuti. ang mabuti ay maaari na ring matawag na masama.

kung gayon, hindi nga talaga pantay ang lalaki at babae. walang balanse sa mundo, tama ba? kung gayon ba ay hindi rin tama ang konseptong yin-yang? o, mali ang pilosopo na nagsabi na "walang tama at mali" ?