3.31.2007

munting paru-paro

binuksan ko ang aking mga palad at umasang lalapit ka. pilit kong hinalina ka. hindi naglaon ay dahan-dahan kang nagpahinga sa aking mga palad. tila pagod ka sa iyong paglalakbay. ang iyong mga pakpak ay humahagulgol pa rin. ang iyong mga mata'y umiikot pa rin. may humahabol ba sa iyo, munti kong paru-paro? may tinakasan ka ba? may nagmamay-ari ba sa iyo?

kung anu man yon, huwag kang mag-aalala. narito ako para sa'yo. hindi kita papabayaan laban sa mapanghusga at magulong mundo. gagawin ko ang lahat manatili ka lamang.

nais kong manatili ka sa aking mga palad. nais ko pa ngang masanay ka at mamuhay nang kasa-kasama ako. nais kong mabuhay nang kasama ka. kung maaari, huwag ka nang lilipad pang muli. ngunit huwag mo akong isipin, naiintindihan kita. aking munting paru-paro, handa ako na sa bukas ay maaari ka nang mawala. maari kang lumisan at kalimutan ang aking mga palad. dadapo ka sa ibang palad at muling magpapahinga. hindi kita pipigilan. hindi ko pipigilan ang iyong mga pakpak sa paglipad. hahayaan kita. bakit? hahayaan kita sapagkat nais kong bigyan ka ng laya. nais kong mamuhay ka nang masaya, nang walang pumipigil, nang walang pipigil sa iyong pag-usbong. nais kitang makitang ganoon.

kaya't heto ako, nananatiling nakabukas ang palad at hinahayaan kang magpahinga't maglaro. munting paru-paro, nais kong huwag ka nang lumipad pang muli. manatili ka sa aking palad. hindi kita aangkinin. hayaan mo kong pagsilbihan ka. hayaan mo kong ipagtanggol ka.

munting paru-paro, huwag ka lang mangangamba. ang iyong buhay at kaligayahan ay mahalaga sa akin. huwag kang mag-alala, gagawin ko ang lahat ng aking makakaya.. maging masaya ka lamang.

3.30.2007

reflection

a partner sees the best in you
a companion sees the relationship
a lover sees the sweetness and care
but a reflection of you sees,
and seeks to see the true you.

that reflection of yours
will and will try to understand,
for the happiness of you
is the happiness of your reflection too.

that reflection of yours
not just sees the best in you,
not just your best days,
but more of your worst days.

that reflection of yours
not just sees the relationship,
not just himself self-centeredly,
but more of your happiness and delight.

that reflection of yours
not just sees the sweetness and care,
not just the love and affection shown,
but more of the inner understanding.

that reflection of yours seeks
nothing but the whole and true you--
no pluses and no minuses--
just you...

3.15.2007

basura

ang dami na nga talagang basura na nagkalat sa mundo. halos sa bawat sulok ay may nakaipit, nakasabit, nakalawit, nakadikit, o nakakalat. hindi ka ba natatakot?

sa sobrang dami ng mga basura, mas marami na nga yata ang mga ito kung ikukumpara sa bilang ng mga tao sa buong mundo. kamo, baka ilang doble pa nga, hindi ba? ganito, isa-isahin natin. halimbawa, pumasok ka sa eskwelahan at nagtakda ang guro na magdala ng lapis kinabukasan. tinatamad kang maghalukay ng mga gamit sa iyong mesa kaya’t mas pinili mong igasta ang iyong anim na piso para sa isang lapis. kinabukasan, may dala kang bagong tasa na lapis. sikat ka. ginamit ninyo ang inyong mga dalang lapis ngunit hindi nagtagal ay pinahinto na ng inyong guro ang paggamit nito. magdala naman daw ng bolpen. at tulad noong nakaraan, bumili ka ng bolpen. tinabi mo na ang lapis na anim na piso. alam nating lahat na ang buhay ay paikot-ikot lamang. para ngang gulong ang buhay, hindi ba? kaya’t nang itago mo ang iyong lapis, hindi naglaon ay nakalimutan mo na rin kung saan mo ito nilagay. isang araw, may nakapulot nito. inangkin niya ito at ginamit na tila siya ang may-ari. ano ang ibig sabihin nito?

ganito, nang pinili mong bumili na lamang ng lapis kahit alam mong mayroon ka sa iyong bahay, bumili ka ng basura. bakit kamo? ang basura ay hindi kailangan. walang silbi. nang binili mo ito, alam mo sa sarili mo na hindi mo kailangang bumili, sapagkat mayroon ka. ayaw mo lamang maghanap. kaya’t masasabing bumili ka ng isang basura. binigay mo sa isang tao ang iyong anim na piso kapalit ang isang basura.

pangalawa, nang itabi mo ang lapis na noon ay lagi mong ginagamit, at nang mawala sa iyong isip kung saan mo ito nalagay, tinatakan mo na na ang lapis na iyon ay basura mo na talaga. bakit? hindi na ito mahalaga sa iyo. wala na siyang silbi sa iyo. hindi na niya nagagawa ang kanyang tungkulin.

at ang huli, nang mapulot ang iyong lapis na anim na piso, hindi ka ba naawa sa taong ito? isipin mo, pinulot niya ang basurang itinapon mo. kahabag-habag, hindi ba?

ang kayamanan mo ngayon, maaaring bukas ay basura mo na.

hindi ka pa ba natatakot? maaaring ang lahat nang nakapaligid sa iyo ngayon ay pawang mga basura lamang. maaaring ang hawak mo ngayong bagay ay pinagsawaan na noong unang panahon. katunayan, mahirap pa ngang malaman kung ang isang bagay ay basura ngang talaga. hindi sukatan ang ganda, ang kintab, ang ayos, o kahit ang halaga. Hindi natin malalaman hanggang…