11.14.2006

ang babaeng haliparot

nabandal ang aking isip. napuno ng pagkagimbal ang buong katauhan ko nang umabot sa akin ang mga balita. wala nga talagang himala sa mundong ito--makapagsasalita na ang aso, makatatahol na ang pusa, at babagyo na rin ng niyebe sa pilipinas. maghintay ang bawat isa. ito ang mga bagay na pumasok sa aking diwa.

marami akong nabalitaan. marami akong narinig. pilit ko mang tanggihan at hindi paniwalaan, tila nakalatag na ang lahat ng patotoo. nagbago ka nga raw, mula sa isang tahimik at sagradong ikaw, nabura ang lahat at nabuhay ang isang babaeng haliparot. puta.

at ngayon, ayaw ko nang makinig. pilit akong umiiwas dahil sa bawat balita, tibadbad man o tilabyano, ay masakit. ayaw kong tanggapin na ang inalagaan at iningatan ko ng buung-buo ay babarurutin lamang ng isang...

hindi ko na alam ang nais kong isipin. maging ang larawan mo ay pilit kong nilalayo sa aking paningin, dahil hindi ko na malaman... ang iyong mga larawan, tila iba na ang ibig sabihin sa aking paningin. minsan nga, napaiisip ako, malaki na nga ba ang pinagbago mo? nagbago ka na nga ba talaga o iba ka talaga noon at hindi ko lang ito napansin?