11.02.2005

ang pagtitipon ng mga mangmang

nagkaroon ng isang pagtitipon
sa bayan malapit sa nayon
mga mangmang ang dumalo
nagsalu-salo bitbit kanilang mga apo

nag-usapusap ang mga mangmang
tila paksa'y alam na alam
araw ng patay no'n
nang sa puso ko'y patay ay bumangon

galit akong tumitig sa kanila
kamandag ng mga matang ayaw tumila
pesteng matatanda..
buhay pa sana kayo sa aking pagtanda

araw pa naman ng mga patay ngayon
gusto atang magkaro'n ng sakuna sa nayon
pilit kong tiniis at huwag mag-init
huwag ka lang muling bibirit

kasama sa pagtitipon ang aking ama
tahimik na nakikinig sa mga patapon
tila natututo sa kuru-kuro ng mga mangmang
mga matatalinong opinyon ng mga hunghang

nagngingitngit ako sa galit
at bakit may nabubuhay pang ganito sa paligid
makikitid ang mga utak
at mga budhi'y kasing-itim ng latak

pesteng mga tao 'to
ba't ba ko nasama dito?
nagtipon-tipon pa
wala namang nasasabing tama

hoy! ikaw! kung sino ka man!
mag-aral ka nga para ika'y may laman
para hindi na kailangan pang sumali sa pagtitipon
at hindi matawag na mangmang at patapon!