9.07.2005

seloso

nabuo ang araw ko nang ika'y aking makita. natuwa ako nang masilayan ko ang iyong ganda. mula sa malayong lugar, ika'y pilit tinitigan, pinagmasdan at binantayan. malayo man, kitang kita ko pa rin ang ngiti sa iyong mukha, tila sayang saya sa kwentuhan. ang mga kilos mo'y halos nasaulo ko na, mga ngiti mong totoo at mga halakhak na puno ng galak. masasabing masaya ka nga.

nais kita puntahan at makausap kahit isang saglit man lang. nais ko sanang sumalo sa iyong kaligayahan ngunit habang ika'y pinagmamasdan, nagbago ang aking isip. nagbago ang direksyon ng ihip ng hangin. biglang umulan at kumulog ng napakalakas sa loob ng dibdib ko. nakita ko ang kausap mo. siya pala, kaya pala.