8.22.2005

paglalahad ng pag-ibig

hindi ako nagsasawang ulit-uliting sambitin ang bawat yugto ng ating nakaraan
bawat anggulo, bawat pangyayari, wala akong nakaliligtaan
bawat aspeto, bawat pangyayaring nagdaan, wala akong nalilimutan
walang sawang iwinawagayway ang bandila ng katotohanan
pagmamahal na wagas, pagtitimping walang bantas
walang kapagurang paglalahad ng tunay na damdamin
tulad ng isang agilang kung lumipad ay napakatayog
tulad ng kanyang mga pakpak na malayang nakalabas
walang takot, walang kabang makita at malaman ng iba ang katotohanan
walang takot, walang kabang marinig ang mga matatalim na bala ng dila
ang kanilang mga nakamamatay na panghuhusga ay hindi pinupuna
masyadong mababaw kung titimbangin gamit ang pambihirang lakas ng pag-ibig