8.26.2005

nais kang makasama, kahit may iba

nasanay na ang pusong ika'y nariyan sa tabi
nagsasaling kwento at kasabay na nagtatawanan
masayang masaya pagka't oras ay di namamalayan

habang mata mo'y pinagmamasdan
isinasaulo ang bawat kilos ng mukha
dahil nag-aalala, baka puso'y manabik

sa bawat halakhak mo'y sa puso ko'y tuwa
kasiyahang nadarama dahil ika'y napapatawa
kahit sandaling panahon man lang

bisyo ka ng aking puso
nakaugalian na'ang ika'y kasakasama

bisyong nais matapos at mapigil na
pagka't puso ko'y hirap na, oo

hindi ko nais na siya'y mawala'ng hininga
masyadong nasusugal ang buhay ng aking puso
dahil sa pananabik sa iyong katauhan

puso ko'y nasanay na
nawalan na ng sariling prinsipyo
nais ka lamang makasama, may kasama ka mang iba