4.04.2005

kapatid, hindi tayo magkadugo.

sa aking pag-iisa
bigla kang nagpakita
walang kamalay-malay
ika'y tumigil at tumambay

nakinig sa'king problema
pinuna aking pag-iisa
winalis ang pag-aalala
nilinis ang pagdurusa

ika'y biglang nalapit sa'king buhay
'di na malilimot hanggang hukay
magkaibigang tunay
magkapatid na may tulay

bawat halakhak mo'y
ligaya ko
bawat patak ng luha mo'y
pasanin ko

simula nang ika'y nakasama
ako'y 'di na muling nag-isa

kapatid sa tawag lamang
..kaibigan? hindi lang..
pambihirang nilalang
salamat sa pag-aalalang
walang pagkukulang!!

4.02.2005

tore ng tagumpay

toreng itinirik sa kalagitnaan ng kawalan
tuktok ng katanyaga'y 'di na masilayan

karamiha'y bumabagsak, nahuhulog
kung 'di pilay ay bagok
iilan lamang ang gustong muling sumubok
mga taong pangarap ay busog

sa pagbagsak ng iba
may mga umaakyat pa
may baguhan, may beterano
umaasang sila'y aasenso
..kahit papaano..

tore ng tagumpay
hanggang saan ka makikisampay
ang iyong buhay ay nakasalalay
sa pag-akyat at hindi sa pag-istambay
.
.
-ang katotohanan ng buhay