3.29.2005

bulong sa mahamog na hangin

taling nakapaikot sa leeg,
hanging bumabalot sa mga paa't tenga.
papaano masasabing pahinga itong nasabing lakad!
ganitong pakiramdam na yumayakap sa'king puso,
ganitong pakiramdam na 'di ibig pang maulit.
tila sinasakal, pinipigil bawat hiningang binubugto.

ngiting matatamis,
alok na maaanghang,
mga tinging nanghahalina..
kayo bay totoo,
o nagbabalat-kayo..?

'di matanto ang nais,
'di maintindihan ang pakay.
taglay niyo ba'y kulang pa?
kami'y sadyang wala na!!

kayamanan,
kapangyarihan.
ano pang maihihiling!?

nais ko'y makawala,
makaalis sa hawlang ito.
tumakas sa inyong
mga mahihigpitat mapangutyang palad.

--o kay hirap gumalaw nang nakapiring!
lunukin ang sariling hangin!

paalala'y 'wag pakakain sa paglaki ng ulo.
walang kasiguraduhan

dadating ang panahon.
anak ninyo ang pumasan ng hanging ibinuga ninyo..
.
.
-after holy week
-t.city
-ibig maging malaya